Friday, 4 November 2011

Lente in Mauritius

Net 'n blik op wat ek sien rondom ons huis...

Boom in die bure se tuin


Bome in die ander bure se tuin




Bougainvillea vanuit ons tuin. Hmmm... Ek dink hulle moet bietjie gesnoei word.

Lekker naweek!

Wednesday, 2 November 2011

Vinnige loer...

Na die voltooing van die BOM Block 2 (sien vorige blog post), het ek 'n hele klomp oorskiet driehoekies gehad. Eerder as om dit in my scrap mandjie te gooi (wat tot oorlopens toe vol is), het ek gedink om iets daarmee te maak.

Ek en manlief het op die kombuis tafel gespeel met die vorms en kleure, en toe ons tevrede is, het ek begin met die stikwerk. Die eindproduk is hierdie - 'n piepklein "Mug Rug".


Ek het besluit om dit as Kersgeskenk aan my Ouma in Humansdorp te gee. Maar shhh! Moenie sĂȘ nie, dis 'n verrassing! Enige iemand 'n idee wat hierdie blokke genoem word? Ek weet die een aan die regterkant is my weergawe van die "Friendship Star". Is daar 'n naam vir die blok aan die linkerkant?

Verder werk ek aan 'n ander geskenk. Die Padda-kwilt (dis die naam vir eers), is gestik, geryg en is reg vir kwiltwerk:

(Hier kan ek nie alles wys nie, want familielede wat weet vir wie dit gaan, mag dalk kyk...)

Die skaduwee oor die kwilt, is van die gordyne. Die kamer waar ek my kwiltwerk doen, kry in die oggend son - te heerlik!!!

Goed, dis genoeg geloer... :-)

Tot later!

Tuesday, 25 October 2011

Blogger's BOM Blok 2

Vandag is die 25ste, en dus tyd vir die volgende blok van Blogger's BOM, aangebied deur Jackie van Canton Village Quilt Works! Blok 2 se aanwysings kan jul kry op Vicki se blog Field trips in Fiber.

Hier is my blokkies, reeds gesny en reg om getransformeer te word. Soos verlede keer, maak ek weer twee van dieselfde blok. Blok 2A se materiale is links, en Blok 2B se materiale is aan die regterkant:



Hier is die vorms nou reg vir vaswerk.


En Voila!


Geniet dit! Tot later.

Monday, 24 October 2011

Bagatelle

Bouwerk is aan die ontplof hier in Mauritius. Agter ons woonstel bou hulle nog 'n woonstelblok. Daar is 'n klomp padwerke en orals verskyn net nog boupersele.

Die nuutste voltooide projek (fase 1 is voltooid, fase 2 en 3 is nog in proses,) wat Mauritius nou aan die gons het, is Bagatelle Mall of Mauritius. Almal gaan besoek die sentrum, al is dit net om die nuuskierigheid te oorkom. Natuurlik moes ons ook gaan inloer het...


Mense, net waar jy kyk!

Daar is honderde winkels, en my hartjie het sommer baie vinnig geklop toe ek sien watter winkels hier gaan wees (en sommige reeds oop is):





Dit laat my voel of ek weer terug in SA is! Ongelukkig is hierdie winkelsentrum redelik ver van ons af. Tog, sal ek die moeite doen om hier te kom koop, al is dit net om 'n verskoning te soek om te gaan koffie drink by Wimpy of Mugg and Bean  :-D

Die parkeer area was redelik vol teen die middag:

Berge in die agtergrond


 Hier kan jul die lengte van die winkelsentrum sien

Saam met die sentrum is daar nog 'n landmerk: Bagetelle Bridge. (Julle kan meer uitvind deur hier en hier te lees)

 


En net vir die interessantheid: ek het voorheen oor Ebene 'n geskryf. Hier kan julle in die verte vir Cyber Tower 1 sien.


Dis al vir nou. Hopelik sal ek binne kort weer 'n blog inskrywing maak, van nog 'n nuwe winkelsentrum, nader aan ons.

Groete vir eers!

Monday, 17 October 2011

Stikwerk met 'n doel

Jody Anderson van Online Quilt Magazine en haar span, is besig om sakke te maak vir dames met borskanker, en wat 'n mastektomie moes ondergaan. Die sakke is vir die dreinerings toerusting, wat die vrouens moet saamdra.

Die patroon vir die sakke kan julle op kry deur:

1.  Sluit aan by die tydskrif (dis gratis en is goeie leesstof), en kry die patroon gratis saam met hierdie maand se uitgawe; of
2.  Gaan na hul aanlyn winkel ( http://www.quilts-n-bags.com/) en doen aansoek vir die patroon.  Die aansoekvorm is beskikbaar op die regterkantste paneel.

Hier is my bydrae:


Ek is van plan om nog een te maak, en dan te pos aan Jody.

Die patroon is eenvoudig, en neem 'n uur of so om te maak. Julle hoef nie die sakke aan Jody te pos nie. Indien daar 'n borskanker kliniek naby julle is, kan julle dieselfde diens daar gee. So help ons almal mekaar.

Groete vir eers!