Friday 3 June 2011

Stadige vordering en iets nuuts

Sjoe, wie sou kon dink dat tyd so vinnig verby vlieg!!! Dis al meer as 'n maand sedert my laaste blog inskrywing. Waarom is ek so stil...?

Wel, vir 'n week en 'n half was ek nie naby die internet nie, en die ander twee en 'n half weke het ek nie baie kwiltwerk gedoen nie. Dus het ek niks regtig om met julle te deel nie. Maar, om myself aan te moedig, het ek dit goed gedink om aan julle my (bietjie) vordering te toon.

Eerstens, hier is die kwiltwerk wat ek tot op hede op Manlief se kwilt gedoen het. 


Dit blyk of ek middelstuk te dig gekwilt het, maar ek gaan dit so los - dit pla my nie.



Die tweede ry het ek minder dig gekwilt, en dit lyk beter. Ek speel ook met twee kleure gare. Die ligter kruisies, kwilt ek met 'n ligter gare, en die blou kruisies, met 'n ligte blou gare. Ek hou van die effek, en hoop ook dit sal die kleurskema uitlig - soos ek dit patroon beplan het. (Indien ek julle nou heeltemal deurmekaar het, kyk HIER. Die middelstuk is lig, dan het dit 'n stel blou kruisies rondom, gevolg deur weer 'n stel ligter kruisies, en laastes weer 'n stel blou kruisies (squeare in the sqaure-effek)


Ek beter opskud as ek hierdie kwilt wil klaar hĂȘ vir Manlief se verjaarsdag oor 'n maand...!!!

My volgende appliek kussing se organsa laag is voorberei en reg om geborduur te word.


Die probleem met langtermyn projekte is...wel...dit raak vervelig en eentonig. Ek is versot op die kussings, en en is steeds van plan om al 12 patrone in die boek te doen, maar dit neem tyd. Ek begin wonder of ek my mikpunt (van nog 5 kussings vir hierdie jaar te maak) gaan bereik, as ek nog nie eers die eerste een vir die jaar klaar het nie.

Om my te inspireer, het ek my eie ontwerp gemaak...


...en ek is baie tevrede. Dis helder, en besig, en ek dink dit beeld uit wie ek nou is (op hierdie stadium van my lewe). Die ontwerp mag dalk "primitief" wees, maar 'n mens moet seker iewers begin. Ek meen, dit is my heel eerste ontwerp - met ander woorde geen ander patrone wat ek verwerk het nie, en/of geen prentjies wat ek gemanipuleer het nie! Alles met my eie hand geteken en met my eie brein uitgedink! Ek het die motivering vir die kleure gekry met die blou materiaal en al die kleure wat daarin versteek is. My doel was om die ander kleure (behalwe blou) uit te lig deur middel van die appliek en borduurwerk. Hierdie gaan natuurlik ook 'n kussing raak. Ek gaan wel kwiltwerk daarop doen, en dan die agterkant van die kussing-oortreksel aanwerk. Hoop om dit hierdie naweek te doen.

Dit blyk of ek nog baie het om te doen. Wat het julle beplan vir die naweek?

Tot later!

Ps. Die foto's is met die selfoon geneem - ons kamera is bietjie "out-of-order" vir die oomblik. Hoop die kwaliteit is nie te sleg nie.

6 comments:

  1. you have been busy - long term projects always go better for me if I know I will take a break from them now and then.
    Karen
    http://karensquilting.com/blog/

    ReplyDelete
  2. Ek hou van die afwisseling met die ligter en donkerder gare.
    Jou 1ste kussing-ontwerp hoef ook vir niks terug te staan nie!!!Wonder of jy nie dalk nog so 6 ekstra kussings wil kwilt nie....!!!!

    ReplyDelete
  3. Lovely quilting and I like your design, very pretty!

    ReplyDelete
  4. Your DH's quilt is coming along nicely! The quilting turns out lovely! Hope to see it 'live' one day. Love the 'new' pillow. Your design looks great; bright and colorful.

    ReplyDelete
  5. Hi Elzaan
    Thank you so much for visiting my blog.
    I understand about not posting
    I am hoping to keep up and post something every day.
    Also it does make me sew something to show and share

    ReplyDelete
  6. Your work is progressing beautifully.

    I can certainly relate to not posting frequently. I used to be very consistent, but life has had a way of taking care of that.

    ReplyDelete

Jou kommentaar word baie waardeer. Ek geniet dit om jul opinies te lees. / Your comments are appreciated. I enjoy reading your opinions.