Thursday 13 January 2011

Grand Baie, Kussings en Tornado

Ons het verlede week 'n paar dae "vakansie" gehad. Ons is Vrydagoggend deur na Grand Baie vir 'n vinnige "inloer". Daar aangekom, is ek na my gunstelling winkel: Delsol.


Hierdie winkel se oorsprong is van VSA, en het 'n tak hier geopen. Die eienaars bly al 10 jaar hier in Mauritius, en het iets "nuuts" gesoek om te probeer.


Wanneer jy die winkel ingaan, is daar net souvenirs waar jy kyk. T-hemde, sleutelringe, juwele, broeke, sakke, en nog meer. Wat maak hierdie produkte so spesiaal? Die produkte verander van kleur wanneer dit in sonlig/UV in aanraking kom. Selfs die sakkies waarin jou aankope gedra word verander van kleur:


Sonder son:


 In sonlig:


Nadat ek my beursie leeg gekoop het, is ek uit na die strate. Dit was rondom middag-ete, so baie mense was oppad om iets te kry om te eet. Die grootste gedeelte van die hoofstraat (in die midde-dorp) is gepak met winkels en restaurante vir toeriste en die mense wat daar bly.


Hier staan 'n Majestic Palm tussen 'n klomp winkels.


Na nog 'n paar besoeke aan 'n klomp winkels, was dit tyd om huis toe te gaan.

Alhoewel Grand Baie baie sonnig en warm was, was Flic en Flac en Tamarin baie donker, maar steeds warm en bedompig.


Ons het die laaste paar dae baie reën in die area gehad, en is baie dankbaar daarvoor. Die Tamarin berg was baie vaal en bruin, maar nou is dit gras groen. Mense sê die reën is baie laat hierdie jaar (verlede jaar het dit in November al begin reën), en as gevolg daarvan het sommige dele van die eiland gebuk gegaan onder water beperkings. Hoop hierdie reën val op die regte plekke, sodat die damme kan vol en water na al die belangrike plekke toe kan gaan.

Tydens die "donker" dag in Tamarin, het dit heerlik gereën oor die see. Maar ek het nooit gedink dat ek hierdie prentjie sal sien naby aan die eiland Mauritius nie...


Ongelukkig is die prentjie baie swak. Die fokus kon net so ver gaan, voordat die reën die prent heeltemal verdof het. Ons skat die tornado (of twee) was minstens 8 Km uit oor die see, maar ons kan dit nie met akkuraatheid sê nie. Ongelukkig kon ons ook nie sien of die tweede "funnel" sy "touch down" bereik het nie, want daar het 'n wolk oor die gebeurtenis beweeg.

Na al hierdie opwinding, was dit tyd om rustig te raak. Ek het agter die naaldwerkmasjien ingeskuif, en die derde Marble kussing voltooi:


3 van die 12 kussings in nou voltooi :-D Nog 9 om te gaan... Ek het ook die Raggedy Blok 6 vasgewerk, en moet nog net borduur word. Sal julle wys sodra ek daarmee klaar is.

Sjoe, wat 'n lywige blogpost! Wel, ek skuld julle seker foto's en stories oor Mauritius. Het nogal lanklaas iets oor die eiland geskryf.

Onthou van my weg gee die 22ste. Lees my vorige inskrywing vir meer detail.

Tot later!

8 comments:

  1. Dat is bijzonder zeg om een tornado te zien.
    Regen hebben we hier genoeg, maar een tornado verscheen (gelukkig) nog nooit aan de horizon.
    Apart om spullen te zien die onder invloed van zonlicht van kleur veranderen.

    ReplyDelete
  2. Thanks for sharing the sights of your vacation. What fun!

    Your pillows are coming along beautifully!

    ReplyDelete
  3. nice to have been able to see the tornado but to not be next to it! I have seen the store you mentioned here in the US quite a few years ago and bought a shirt that changed colors from inside to sunlight, don't know whatever happened to it as I know I no longer have it!
    Karen
    http://karensquilting.com/blog/

    ReplyDelete
  4. That shop is new to me, not so strange maybe, we never go there. :) Amazing how the weather here vary that much. Great you captured the tornado, I've never seen it here. Luckily it didn't hit inland. We've got a lot of needed rain here too. Your pillows are just so beautiful!

    ReplyDelete
  5. Lovely pics Elzaan. Lucky the tornado was out at sea. Your cushions are coming along so nicely, really beautiful.

    ReplyDelete
  6. I love learning about your beautiful island. What a wonderful post !!! Your pillows are gorgeous !!!

    ReplyDelete
  7. Wat een leuke winkel met die dingen die van kleur veranderen in de zon! Gelukkig dat die tornado niet dichtbij kwam.
    Je kussens zijn prachtig!

    ReplyDelete

Jou kommentaar word baie waardeer. Ek geniet dit om jul opinies te lees. / Your comments are appreciated. I enjoy reading your opinions.