Friday, 17 December 2010

Kersfeeskoek en Borduurwerk

Ek moet erken dat die laaste paar dae sukkel ek om my aandag op een taak te hou. Ek spring rond tussen werk, huis en Kersfees voorbereiding, en dit lyk nie of ek veel vordering maak met enige iets nie. Voel julle ook so?

Die take wat ek wel voltooi het, tot dusver, is Vrugtekoek bak en 'n bietjie borduurwerk.


Ek moet nou bieg en ook noem dat ek nie kans sien om die koek te versier met harde-versiersel nie. Dit het net na te veel werk geklink. Buitendien, hierdie koek het net 60ml sjerrie in, waar die ryk vrugtekoeke gewoonlik begin met 100ml, en dan elke week nog 'n bietjie sjerrie by kry om dit klam te hou. Dus glo ek nie dis nodig vir die versiering nie. En die prentjie in die kookboek, het ook geen versiering gehad nie (vir wat dit werd is)! Manlief noem gereeld dat die huis ruik nou na 'n drank winkel/kroeg, met die geur van vrugtekoek in die huis...Wonder of hy skimp vir 'n stukkie koek :-)

My kussing #3 se borduurwerk is nou voltooi. Nou moet ek die "toebroodjie" maak en dit kwilt. Vandaar maak ek die agterkant en dan is dit klaar. Sal kyk of ek lank genoeg kan stil sit om dit te doen. 


Hier is 'n paar naby skote van die borduurwerk:




Ek kry gereeld vrae oor watter "Block of the Month" of projek ek vanaf werk. Hierdie is egter nie 'n Sew Along projek nie. Ek het vroeg in die jaar 'n boek oor appliek gesoek, en het hierdie boek gekoop:


Al die kussing oortreksels wat ek tot dusver gemaak het, sien hier en hier, en ook nou die derde oortreksel, kom uit hierdie boek uit. Daar is in totaal 13 projekte. 12 van hulle kan as kussing oortreksels gemaak word, en die 13de projek is 'n muurbehangsel. Dis 'n uitstekende boek, en elke stap en borduur steek word deeglik bespreek. Die boek is baie duidelik, en gebruikersvriendelik. Alhoewel daar baie riglyne in die boek is, word die spasie vir jou gegee om 'n bietjie van jou eie "touch" in die projekte in te werk. Vir mense wat belangstel in appliek, kan ek hierdie boek voor aanbeveel. Daar is egter baie appliek tegnieke, en hierdie boek behandel slegs een van hulle, maar jy kry baie vinnig die idee van hoe alles werk. Ek het die boek by Craft Connection gekoop

Geniet julle voorbereiding vir Kersfees, en geniet die feesseisoen.

Tot later

5 comments:

  1. Je werkstukken zien er mooi uit. Ik kan me goed voorstellen dat het lekker ruikt in huis, om over de smaak van deze koek nog maar niet te spreken.
    Overigens gaat het hier steeds harder sneeuwen.

    ReplyDelete
  2. Your embroidered, appliqued pillows are just so pretty!

    Had to laugh about your house smelling like a liquor store. I've never made fruitcake before, so I had no idea about the sherry.

    ReplyDelete
  3. Mmm, een bakgeur is altijd zo lekker. Ik vind je raggedy Ann schitterend. Heel apart zo met dat bruin. En ook je applicatie ziet er mooi uit.

    ReplyDelete
  4. Die kussings is pragtig en die vrugtekoek laat my mond water. Ek glo Allan is net baie lus vir stuk vrugtekoek, darem kla hy so!!!

    ReplyDelete
  5. Now I see what you were talking about with your pillows - they are beautiful! And so much handwork going into the embroidery! I have to agree with Michelle - your fruitcake story and your husband are funny! I used to make fruitcake for Christmas when I lived in New Zealand but I haven't made it since I moved to the US. Maybe I should try it again?!

    ReplyDelete

Jou kommentaar word baie waardeer. Ek geniet dit om jou opinies te lees. / Your comments are appreciated. I enjoy reading your opinions.