Tuesday 7 September 2010

Produksielyn

Vandag is net 'n "update" op al die projekte waaraan ek tans werk. Sommige se vordering is uitstekend terwyl ander projekte bietjie aandag nodig het.

Na al die drama verlede naweek, met al my naat toelatings wat nie wil saam speel nie, het ek baie hard gewerk om alles netjies te kry. My borduurwerk het miskien nog bietjie oefening nodig, maar ek is baie tevrede met hoe die BOM blokke uitgekom het. Ek het letterlik die hele week, na my laaste inskrywing, net borduurwerk gedoen. Dink dis tyd dat ek 'n "chance of scenery" uitoefen.

Hier is Raggedy and Friends Block 1



En hier is Raggedy and Friends Block 2


Nou is ek reg vir Raggedy and Friends Block 3, wat om-en-by die 20ste vrygestel sal word.

Verder is ek besig met my kussing oortreksel nommer 2. Ek is klaar met al die borduurwerk en die voorkant is afgewerk. Ek wag net vir my materiale om die "ruffle" te maak, dan is hierdie dame afgehandel. Ek het gister die kennisgewing gekry dat my materiale by Doeane is (sien vorige inskrywing), maar ek is nie seker wanneer ek die kans gaan kry om by Port Louis uit te kom nie. Sal my manlief vra of hy dit kan gaan afhaal.

Hier is die "werk-in-proses" kussing oortreksel 2/12





Ek het ook intussen bietjie tyd gehad om aan die Kersfees kwilt te werk. Ek het rame om elke klein prentjie vasgewerk. Ek moet nog die middel blok doen, en dan die hele ding aanmekaar vaswerk. Dis hoe die klein prentjies met hul rame lyk:



Nou vir iets wat klaar is! Hier is die sterre wat ek in van my eerste inskrywings oor gepraat het.


Hulle het my bietjie 'n kopseer gegee, want die batting het bly gly onder die naald. Blyk my dat ek te veel batting gebruik het. Ek wou graag die sterre baie "puffy" laat lyk het. Later het ek egter al die ekstra batting verwyder en met een (klein sterre) of twee lae (groot sterre) batting gewerk. Maar nou-ja, hulle lyk nie te sleg nie. Dink tog ek sal volgende keer dinge 'n bietjie anders aanpak.

Soos jul kan sien, sit ek nie stil nie. Ek moet seker maar hier klaarmaak en weer begin werk...

Terwyl ek so hard aan die werk is, is daar darem iemand om my op te beskerm as manlief nie by die huis is nie...



Hierdie is Groenes. Hy is my lyfwag wanneer ek alleen tuis is. Tans is sy vroutjie swanger, en sy bak heeldag in die son by ons badkamervenster. Groenes wandel soms die hele huis vol, maar is grootliks altyd in die badkamer, of in die studeer kamer, en soms in ons slaapkamer. In vergelyking met die bruin geitjie, is hierdie geitjie baie gemaklik wanneer ons in die omtrek is. Inteendeel, hy het nie eers geroer terwyl ek hierdie foto van hom geneem het nie! En ek het baie naby aan hom gestaan!

Tot volgende keer!

5 comments:

  1. Your Raggedy Ann quilt is looking very good. I like the fabrics you are putting with the blocks.

    ReplyDelete
  2. What great progress! Your Raggedy Ann blocks are so cute. I love the new pillow top, the Christmas quilt looks great, and the stars are perfect.

    Really enjoyed seeing and reading about Green too. :-)

    ReplyDelete
  3. WOW Elzaan, you've been busy! Your Raggedy Ann comes out really beautiful, and there's no complaint about the stitching! :) Christmas blocks look great, and I LOVE the look of the stars! They look "rustic" to me - very beautiful! And that cute lizzard! We've never had the blue ones inside.
    Happy quilting!

    ReplyDelete
  4. Wow, die Raggedy Ann gaan pragtig lyk!! Hou ook van die sterre; nie gedink hul gaan so groot wees nie. Nou moet jy net vir Groenes ook ietsie maak!!!! Bly jy geniet die kwilt- en appliekwerk so.

    ReplyDelete
  5. Elzaan you have been busy!Your raggedy blocks look great, love all your projects, great job!

    ReplyDelete

Jou kommentaar word baie waardeer. Ek geniet dit om jul opinies te lees. / Your comments are appreciated. I enjoy reading your opinions.