Wednesday 4 August 2010

Kersfees in...Augustus?

Tra la la la la, la-la, la, la... Ek het my pakkies vandag vanaf die VSA ontvang. Ek het net vir een pakkie gewag, toe kry ek sommer twee!

Ek het die materiale gekry vir die Kers-muurbehangsel wat ek wil maak:



Ek wil 'n Kers-toneel kwilt hê, en hierdie gaan net die ding doen. Ek sal miskien materiaal van my "stash" ook moet gebruik...kan nie wag om hiermee te begin nie. Ek kan alreeds sien hoe die kwilt gaan hang teen die muur...Ons leefarea gaan hierdie jaar so mooi lyk. Verlede jaar toe ons hier aangekom het, het ons nie eers soveel soos 'n kersliggie gehad nie. Ons besittings was nog oppad en ons kersboompie was daarby. Ek het op die ou einde gaan tinsel koop, en het die leefarea bietjie versier. Tog het ek gevoel daar is iets "missing". Hoop ek kan hierdie jaar daardie gevoel skrap!

Die sterretjies - wat ek as Kersversierings in die huis wil ophang - begin ook rigting kry. Al die sterre en bypassende batting is uitgeknip, en alles is vol spelde. Dit wag natuurlik om vasgewerk te word.

My Moda Marble kleurkaart het ook opgedaag. Nou kan ek ook verder werk aan my kussings... Ek is tans besig om die tweede kussing met die hand te borduur (soos in die boek), maar het nog 'n entjie om te gaan. Dus kan ek solank die materiale kies en bestel vir die voering, asook vir die volgende kussing (indien my bankbalans dit sal toelaat :-D) Ai, so baie kleure of van te kies!!!



Wel, dinge gaan seker nie gebeur as ek net hier sit nie...gaan dit?

Tot later!

Elzaan


3 comments:

  1. Kan glo jy's opgewonde en darie vingertjies jeuk seker lekker om net te begin, maar daar's soveel beginpunte....!!!! Geniet dit!

    ReplyDelete
  2. That's going to be a nice Christmas wall hanging, Elzaan! I'm sure the stars will look great too! I love Christmas and would like to make a few things too - but not wall hangings - I think... lol!

    ReplyDelete
  3. What a lovely panel and fabric - can't wait to see how it turns out and I love the moda colour chart - so handy to have!

    ReplyDelete

Jou kommentaar word baie waardeer. Ek geniet dit om jul opinies te lees. / Your comments are appreciated. I enjoy reading your opinions.